ქართულმა და ოსურმა მხარეებმა მძევლები გაცვალეს

ქართულმა და სამხრეთ ოსურმა მხარეებმა 7 ნოემბერს ათობით მძევალი გაცვალეს, თუმცა ერთი ქართველი კვლავ დაკარგულად ითვლება.
 
“სამხრეთ ოსეთის მხარემ 30-მდე ქართველი გაათავისუფლა, ხოლო ქართულმა მხარემ – ხუთი ოსი“, განაცხადა შიდა ქართლის პოლიციის უფროსმა ალექსანდრე სუხიტაშვილმა. 
 
“მძევლებს ორივე მხარე საკმაოდ ნორმალურად მოეპყრო”, განუცხადა შიდა ქართლის გუბერნატორმა მიხეილ ქარელმა ჟურნალისტებს.
 
თუმცა, 21 წლის ელდარ კახნიაშვილი, რომელიც კონფლიქტის ზონაში 3 ნოემბრიდან გაუჩინარდა, კვლავ იძებნება. თავდაპირველად, თბილისმა ოსური მხარე დაადანაშაულა კახნიაშვილის გატაცებაში, თუმცა მოგვიანებით დათანხმდა ერთობლივად მოეძებნათ იგი რუს სამშვიდობოებთან ერთად. კახნიაშვილის ძებნის პროცესი დღეს განახლდება.