აფხაზეთის თვითგამოცხადებული რესპუბლიკის გენერალურმა პროკურორმა რაუფ კოდუამ მხარი დაუჭირა არჩეულ პრეზიდენტს სერგეი ბაღაფშს და სოხუმში მიმდინარე საპროტესტო აქციის მონაწილეებს განუცხადა, რომ “მთავრობას არ უნდა აღიაროს თავისი დამარცხება [არჩევნებში]“.
კოდუას თქმით, მისმა უწყებამ აღმოაჩინა, რომ დარღვევები საარჩევნო სიებში სახელისუფლებო კანდიდატის რაულ ხაჯიმბას ხელმძღვანელობით განხორციელდა.
არსებული ინფორმაციით, სოხუმში სერგეი ბაღაფშის მხარდასაჭერად ფართომასშტაბიანი საპროტესტო აქცია იმართება, რომელშიც დაახლოებით 10-18 ათასი ადამიანი იღებს მონაწილეობას.