თბილისის ვაკე-საბურთალოს რაიონულმა სასამართლომ რუსეთის მოქალაქეს ვიაჩესლავ კუზნეცოვს, რომელიც ქართულმა მხარემ სამხრეთ ოსეთის კონფლიქტის ზონაში 22 ივლისს დააკავა, წინასწარი სამთვიანი პატიმრობა მიუსაჯა.
ვიაჩესლავ კუზნეცოვს, “რუს კაზაკთა კავშირის” ერთ-ერთ ლიდერს, რუსეთ-საქართველოს საზღვრის უკანონო გადაკვეთაში ედება ბრალი.
სამხრეთ ოსეთის დე ფაქტო ხელისუფლება არ მალავს, რომ რუსეთიდან ცხინვალში ოსი შეიარაღებული დაჯგუფებისთვის დახმარების აღმოჩენის მიზნით ათობით კაზაკი ჩავიდა რეგიონში კონფლიქტის გამწვავების პერიოდში.