ახალი ამბები
აშშ მიესალმება აბაშიძის გადადგომას
აშშ-ის სახელმწიფო დეპარტამენტმა 6 მაისს განცხადება გამოაქვეყნა, რომელშიც მიესალმება აჭარის ავტონომიურ რესპუბლიკაში საქართველოს ცენტრალური ხელისუფლების აღდგენას.
„ამერიკის შეერთებული შტატები მიესალმება ასლან აბაშიძის წასვლას და თბილისის ხელისუფლების მშვიდობიან აღდგენას აჭარის ავტონომიურ რესპუბლიკაში“, – ნათქვამია განცხადებაში.
„ეს მნიშვნელოვანი ნაბიჯია აჭარაში კანონიერების და დემოკრატიული მმართველობის აღსადგენად. ეს ისტორიული დღეა საქართველოს მთელი მოსახლეობისთვის. მზად ვართ საქართველოსთან მჭიდრო თანამშრომლობა განვაგრძოთ დემოკრატიული და ეკონომიკური რეფორმების განხორციელების საქმეში“.