აჭარის ლიდერმა ასლან აბაშიძემ 22 აპრილს აჭარის ტელევიზიით გამოსვლისას განაცხადა, რომ ქვეყნის ცენტრალური ხელისუფლება „სპეცოპერაციას ამზადებს მის წინააღმდეგ“.
„ჩვენ ყველაფერი ვიცით ამ ოპერაციის შესახებ – როგორ განხორციელდება, ვინ განახორციელებს და როდის – ამგვარად, ჩვენ შესაბამის ზომებს მივიღებთ ამის თავიდან ასაცილებლად“, – განაცხადა ასლან აბაშიძემ.
აბაშიძის განცხადებას წინ უძღოდა პრეზიდენტ სააკაშვილის მწვავე კრიტიკა აჭარის ლიდერის მიმართ.
„აჭარის მოსახლეობა უნდა განთავისუფლდეს ამ კრიმინალური კლანისგან“, – განაცხადა სააკაშვილმა 22 აპრილს პარლამენტის პირველ სხდომაზე გამოსვლისას.
მოგვიანებით 22 აპრილს საქართველოს უშიშროების მინისტრის მოადგილემ გიგი უგულავამ ასლან აბაშიძეს „ავტონომიის დე ფაქტო ლიდერი უწოდა“.
„ჩვენ შეგვიძლია მას [ასლან აბაშიძეს] დე ფაქტო ვუწოდოთ, რადგანაც მისი ხელისუფლების კანონიერება დღითიდღე კლებულობს“, – აღნიშნა გიგი უგულავამ.
-
-
-
-
This post is also available in: English (ინგლისური) Русский (რუსული)