ცენტრალურ საარჩევნო კომისიაში (ცსკ) არჩევნების შეჯამების პროცესი მიმდინარეობს. კანონმდებლობით, ცსკ-მ 28 მარტის ხელახალი არჩევნების შედეგები 15 აპრილისათვის უნდა შეაჯამოს, თუმცა აჭარის ორ ოლქში – ქობულეთსა და ხულოში 18 აპრილისათვის დანიშნულმა ხელახალმა არჩევნებმა შესაძლოა საბოლოო შედეგების გამოცხადება შეაფერხოს.
წინასწარი შედეგების მიხედვით, მხოლოფდ ორ პოლიტიკურ სუბიექტს აქვს შანსი მოხვდეს საკანონმდებლო ორგანოში. სახელისუფლებო პარტია “ნაციონალური მოძრაობა-დემოკრატები” 67,02%-იანი მაჩვენებლით ლიდერობს, ხოლო ოპოზიციური კოალიცია “მემარჯვენე ოპოზიცია – მრეწველები, ახლები” 7,62%-ით საარჩევნო ბარიერს ლახავენ. დანარჩენი პოლიტიკური სუბიქტები ბარიერს მიღმა რჩებიან. როგორც მოსალოდნელია საბოლოო შედეგები ამ მონაცემებისგან დიდად არ იქნება განსხვავებული.
არჩევნების საბოლოო შედეგების გამოცხადება ჭიანურდება
