პრემიერ-მინისტრმა ზურაბ ჟვანიამ 17 მარტს ჟურნალისტებს განუცხადა, რომ იგი შეშფოთებულია აჭარაში არსებული ჰუმანიტარული მდგომარეობით.
„ჩვენ გვაშფოთებს ის ფაქტი, რომ აჭარაში ფასები გაიზარდა და ხდება პირველადი მოხმარების საგნების პანიკური შესყიდვა“, – განაცხადა ზურაბ ჟვანიამ.
„ბუნებრივია, საბანკო სისტემის დახურვის გამო გარკვეული პრობლემები შეიქმნება აჭარაში ხელფასებისა და პენსიების გაცემასთან დაკავშირებით“, – დასძინა პრემიერ-მინისტრმა.
მისი თქმით, ამჟამად მთავრობა ყველა ამ საკითხის მოგვარებაზე მუშაობას.
საქართველოს ცენტრალურმა ხელისუფლებამ აჭარის ავტონომიურ რესპუბლიკას ეკონომიკური ბლოკადა 16 მარტს პრეზიდენტ სააკაშვილის ბრძანების საფუძველზე დაუწესა.