საქართველოს პრეზიდენტი არ აპირებს შეზღუდოს აჭარის ავტონომიური რესპუბლიკის უფლებები მისი სურვილია შეხვედეს აჭარის მოსახლეობას, ეს არის პრეზიდენტსა და ავტონომიური რესპუბლიკის ლიდერს შორის სატელეფონო საუბრის ძირითადი შინაარსი, რომელიც ჟურნალისტებს პრემიერ-მინისტრმა ზურაბ ჟვანიამ გააცნო.
“სატელეფონო საუბრის დროს პრეზიდენტი მკაცრი იყო და კიდევ ერთხელ განუმარტა ასლან აბაშიძეს, რომ ის არ აპირებს ექს-პრეზიდენტის ედუარდ შევარდნაძის მსგავსად უმოქმედოდ ყოფნას. თუ ვინმე ცდილობს რომ განაცხადოს თითქოს აჭარაში არ ვრცელდება საქართველოს იურისდიქცია, მაშინ საჭიროა სხვა მოქმედებები. საქართველოს ხელისუფლების მიზანია აჭარაში ჩატარდეს საპარლამენტო არჩევნები” – განაცხადა ზურაბ ჟვანიამ.
მისი თქმით, სატელეფონო საუბრის დროს პრეზიდენტმა ასევე განაცხადა, რომ იგი აპირებს ცივილიზებული ფორმით იმოქმედოს. Pპრემიერ-მინისტრი არ აკონკრეტებს თუ რა კომენტარი გააკეთა თავად ასლან აბაშიძემ პრეზიდენტის ამ განცხადებასთან დაკავშირებით და აცხადებს, რომ აბაშიძეს «კონკრეტული პასუხი არ გაუცია.«
პრემიერ-მინისტრი სააკაშვილსა და აბაშიძის სატელეფონო საუბრის შინაარსზე საუბრობს
