საქართველოს პრეზიდენტმა მიხეილ სააკაშვილმა, რომელიც 29 იანვარს სტრასბურგიდან გერმანიაში ჩავიდა, შეხვედრები გამართა გერმანიის ბუნდესტაგის პრეზიდენტთან ვოლფგანგ ტიერსთან და საგარეო საქმეთა მინისტრთან იოშკა ფიშერთან.
მოგვიანებით გერმანულ გაზეთ „ბილდ“-თან ინტერვიუში სააკაშვილმა განაცხადა, რომ საქართველოს დიდი სურვილი აქვს რამდენიმე წელიწადში ევროკავშირში წევრობის კანდიდატი ქვეყანა გახდეს.
„ამისათვის ჩვენ გერმანიის დახმარება გვჭირდება“, – დასძინა მან.