Civil.ge-ს შესახებ
Eng | ქარ | Рус
ბოლო განახლება: 17:29 - 24 აპრ.'18
RSS
Mobile
Twitter
Facebook
სახალხო დამცველი ზვიად დევდარიანის წინააღმდეგ სექსუალური შევიწროების თაობაზე გამოთქმულ ბრალდებებს შეისწავლის
Civil Georgia, Tbilisi / 19 მარ.'18 / 18:24


ნინო ლომჯარია და ზვიად დევდარიანი, 16 მარტი, 2018. ფოტო: facebook.com/cidacso

სახალხო დამცველმა ნინო ლომჯარიამ განაცხადა 19 მარტს, რომ ის უფლებადამცველის და რუსთავში მდებარე სამოქალაქო განვითარების სააგენტოს ხელმძღვანელის, ზვიად დევდარიანის წინააღმდეგ სექსუალური შევიწროების თაობაზე გამოთქმულ ბრალდებებს შეისწავლის.

„სახალხო დამცველმა პირადად მოუსმინა ქალებს, რომელთა მონათხრობი  შეიცავდა როგორც სავარაუდო სექსუალური შევიწროების, ასევე სექსუალური ხასიათის ძალადობის ნიშნებს“, - განაცხადა სახალხო დამცველის აპატარმა 19 მარტს ლომჯარიას სავარაუდო მსხვერპლ ქალებთან შეხვედრის შემდეგ, მას შემდეგ, რაც სამი დღით ადრე მან დევდარიანი საქართველოს საზოგადოებრივი მაუწყებლის სამეურვეო საბჭოს წევრობის კანდიდატად დაასახელა.

დევდარიანის წინააღმდეგ სექსუალური შევიწროების თაობაზე ბრალდებები პირველად ქალთა მოძრაობამ გააჟღერა, რომელმაც აღნიშნა 17 მარტს გავრცელებულ განცხადებაში, რომ „ათამდე“ ქალი, რომლებიც ანონიმურობას ამჯობინებენ, დევდარიანის მხრიდან „სექსუალური შევიწროების, სექსუალური ხასიათის არასასურველ ფიზიკურ და ვერბალურ ქცევაზე“ საუბრობს.

„ზვიად დევდარიანი კარგად ცნობილი სამოქალაქო აქტივისტია. მას სერიოზული გავლენა და რეპუტაცია აქვს საქართველოს სამოქალაქო და პოლიტიკურ წრეებში. ზვიად დევდარიანი ქალთა უფლებების ცნობილი დამცველიცაა და როგორც ჩანს, მისი ორმაგი სტანდარტები და კარგად შენიღბული სახე გახდა მიზეზი იმისა, რომ მის მიერ სექსუალურად შევიწროებულ ქალებს არ ჰქონდათ რწმენა და ძალა, რომ საკუთარი უფლებებისთვის ებრძოლათ“, - განაცხადა ქალთა მოძრაობამ.

თავად დევდარიანმა უარყო ბრალდებები და აღნიშნა 17 მარტს გავრცელებულ განცხადებაში, რომ ბრალდებები „დაუსაბუთებელია“ და რომ მას საკუთარი თანამდებობა და გავლენა ბოროტად არასდროს გამოუყენებია. „იმის გათვალისწინებით, რომ პირდაპირ მივიღე შეტყობინება ქალთა ჯგუფების მხრიდან, რომ მომეხსნა ჩემი კანდიდატურა, წინააღმდეგ შემთხვევაში, გავრცელდებოდა ღია წერილი, ვთვლი, რომ არის მიზანმიმართული შანტაჟი“, - აცხადებს დევდარიანი.

სახალხო დამცველმა ნინო ლომჯარიამ ქალთა მოძრაობას განცხადებით უპასუხა და აღნიშნა, რომ მისთვის ცნობილი არ ყოფილა განცხადებაში ასახული შესაძლო სექსუალური შევიწროების ფაქტების შესახებ და იგი კანდიდატის დასახელების შემდგომ გახდა ცნობილი.  ლომჯარიამ ასევე განაცხადა, რომ დევდარიანის გადაწყვეტილება საკუთარი კანდიდატურის მოხსნის თაობაზე „მიზანშეწონილია“.

17 მარტს მოგვიანებით რამდენიმე ქართულმა ინტერნეტ გამოცემამ, მათ შორის ნეტგაზეთმატაბულამ და On.ge-მ, ქალების, მათ შორის დევდარიანის ყოფილი თანამშრომლის, სამუშაოს მაძიებლების და სხვა ნაცნობების ანონიმური ისტორიები გამოაქვეყნა, რომელთა თქმითაც ისინი დევდარიანის სექსუალური შევიწროების მსხვერპლნი გახდნენ.

18 მარტს დევდარიანმა „ლიბერალს“ ღია წერილით მიმართა, სადაც აღნიშნავს, რომ 21 წლის ქალის მონათხრობი, რომელიც დევდარიანს იმაში ადანაშაულებს, რომ ვითომდა სექსუალური ურთიერთობების სანაცვლოდ სამსახურს პირდებოდა, არ შეესაბამება სიმართლეს. „ვაღიარებ, რომ ჩემი შეცდომაა ჩემი ურთიერთობა ოჯახს გარეთ, მაგრამ კატეგორიულად უარვყოფ ძალადობის ან ზეწოლის რაიმე ფაქტის არსებობას“, - აცხადებს დევდარიანი.

სამოქალაქო განვითარების სააგენტოს მოქმედმა და ყოფილმა თანამშრომლებმა ასევე უარყვეს ბრალდებები და ხაზგასმით აღნიშნეს ერთობლივ განცხადებაში, რომ ეს ინფორმაცია არის „სიცრუე“ და რომ „ორგანიზაციის ფარგლებში თანამშრომლების მხრიდან არ დაფიქსირებულა შევიწროების არც ერთი ქეისი“.

სამოქალაქო საზოგადოების რეაგირება

ქალთა მოძრაობის ერთ-ერთმა წამყვანმა წევრმა, ბაია პატარაიამ, რომლის კანდიდატურაც საზოგადოებრივი მაუწყებლის სამეურვეო საბჭოს წევრის პოსტზე მოძრაობამ სახალხო დამცველს 14 მარტს წარუდგინა, 17 მარტს პირველი განცხადების გამოქვეყნებიდან მალევე საკუთარი კანდიდატურა მოხსნა და ამის მიზეზად ინტერესთა კონფლიქტი დაასახელა.      

19 მარტს Facebook-ის საკუთარ გვერდზე გამოქვეყნებულ პოსტში პატარაიამ განაცხადა, რომ ის შეხვდა იმ ქალებს, რომლებიც ზვიად დევდარიანს ძალადობაში ადანაშაულობენ და დასძინა, რომ „ზოგიერთ შემთხვევა სამსახურეობრივი უფლებამოსილების ბოროტად გამოყენება და სექსუალური შევიწროებაა, ხოლო ზოგიერთ შემთხვევა სისხლის სამართლის დანაშაული“.

მან ასევე უარყო, რომ კამპანია დევდარიანის წინააღმდეგ მიზანმიმართულად დაიწყო და აღნიშნა, რომ ამას არაფერი აქვს საერთო სამეურვეო საბჭოა კონკურსთან და რომ „ზვიადის შესაძლო კარიერულმა წინსვლამ აალაპარაკა მსხვერპლი ქალები - გვეყო მოძალადე კაცები მაღალ და საპასუხისმგებლო თანამდებობებზე“.

კოალიციამ თანასწორობისთვის 19 მარტს განცხადება გაავრცელა, სადაც აცხადებს, რომ სურს „მტკიცე და განუხრელი მხარდაჭერა და სოლიდარობა გამოუცხადოს სექსუალური შევიწროების ყველა მსხვერპლ ქალს“.

„კოალიციის წევრი ორგანიზაციების მიერ მოპოვებული და მედიაში გავრცელებული ინფორმაციის ანალიზი აჩვენებს შევიწროების არა ერთეულ, განცალკევებულ ფაქტებს, არამედ სხვადასხვა ქალის მიმართ სხვადასხვა დროს და სხვადასხვა ინტენსივობით განხორციელებულ სავარუდო შევიწროებასა და ფსიქოლოგიურ ძალადობას“, - ნათქვამია კოალიციის განცხადებაში.

კოალიციამ მოუწოდა მსხვერპლ ქალებს, რომ გამოიყენონ სამართლებრივი საშუალებები, ხოლო პარლამენტს მოუწოდა, რომ „სექსუალური შევიწროება კანონმდებლობით აღიაროს დისკრიმინაციის ფორმად, რაც შექმნის სასამართლოსთვის მიმართვის მკაფიო შესაძლებლობას“.

უახლესი ამბები
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
23 აპრ.'18 18:28
სასამართლომ ბაჩო ახალაია გადამდგარი პოლკოვნიკის საქმეში დამნაშავედ სცნო
საქართველოს თავდაცვის ყოფილ მინისტრს საქალაქო სასამართლო 9 წლით თავისუფლების აღკვეთა მიუსაჯა.
23 აპრ.'18 17:59
ფინანსთა მინისტრი ვაშინგტონში საფინანსო ინსტიტუტების წარმომადგენლებს შეხვდა
მამუკა ბახტაძე ამერიკის შეერთებულ შტატებში 19 აპრილს გაემგზავრა, სადაც თვის ბოლომდე დარჩება.
23 აპრ.'18 15:42
წითელი ჯვარი: აფხაზეთის კონფლიქტისას გაუჩინარებული 22 ადამიანის ნეშტი იდენტიფიცირებულია
იდენტიფიკაცია იმ სააკოორდინაციო მექანიზმის ფარგლებში განხორციელდა, რომელიც წითელი ჯვრის მხარდაჭერით 2010 წელს ჩამოყალიბდა.
23 აპრ.'18 15:34
რუსეთის საგარეო უწყება აფხაზეთის და სამხრეთ ოსეთის მიმართ თბილისის პოლიტიკას აკრიტიკებს
მარია ზახაროვას თქმით, საქართველომ უნდა მიიღოს ახალი პოლიტიკური რეალობა და აღიაროს მათი დამოუკიდებლობა.
20 აპრ.'18 19:09
ევროპის საბჭომ საქართველოში კონფლიქტის შესახებ ანგარიში გამოაქვეყნა
ანგარიში აფხაზეთსა და ცხინვალის რეგიონში უსაფრთხოების და ადამიანის უფლებათა დაცვის კუთხით არსებულ ვითარებას აფასებს.
20 აპრ.'18 16:04
პარლამენტმა პარტიების დაფინანსების წესში ცვლილებები მიიღო
ცვლილებების შედეგად, მრეწველთა პარტია 600 000 ლარის ოდენობის ყოველწლიურ საბიუჯეტო დაფინანსებას მიიღებს.
20 აპრ.'18 12:57
ევროკავშირი ‘ღრმა შეშფოთებას’ გამოხატავს აფხაზეთსა და სამხრეთ ოსეთში ადამიანის უფლებათა დაცვის მდგომარეობის გამო
ევროკავშირის დელეგაციამ ევროპის საბჭოში საქართველოს შესახებ გენერალური მდივნის ანგარიშის საპასუხოდ განცხადება გამოაქვეყნა.
19 აპრ.'18 18:12
საპარლამენტო უმრავლესობის შეხვედრა შიდაპარტიულ დავაზე გადაიდო
მმართველი პარტიის დეპუტატების შეხვედრას, სავარაუდოდ, 21 აპრილს გაიმართება. 
19 აპრ.'18 15:58
საქართველოს საგარეო ვაჭრობა 2018 წლის პირველ კვარტალში
2018 წლის იანვარ-მარტში საქართველოს საგარეო სავაჭრო ბრუნვა წინა წლის შესაბამის პერიოდთან შედარებით 23.3%-ით გაიზარდა და 2.8 მილიარდი აშშ დოლარი შეადგინა.    

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
57