Civil.ge-ს შესახებ
Eng | ქარ | Рус
ბოლო განახლება: 18:33 - 25 აპრ.'18
RSS
Mobile
Twitter
Facebook
უკრაინაში საქართველოს ელჩი: საქართველოს მოქალაქეების დეპორტაცია უკრაინის ‘უსაფრთხოების ეროვნულ ინტერესებს’ უკავშირდება
Civil Georgia, Tbilisi / 21 ნოე.'17 / 17:56

უკრაინაში საქართველოს ელჩმა, გელა დუმბაძემ, ტელეკომპანია „რუსთავი 2“-თან ინტერვიუში, რამდენიმე დღის წინ უკრაინიდან საქართველოს მოქალაქეების დეპორტაციის შესახებ კომენტარი გააკეთა. დუმბაძის განმარტებით, საქართველოს საელჩო ყველა მსგავს შემთხვევასთან დაკავშირებით „მომენტალურ რეაგირებას აკეთებს“ და „უწყვეტი კომუნიკაცია“ აქვს უკრაინის ხელისუფლების შესაბამის ორგანოებთან. 

ელჩის განმარტებით, საქართველოს მოქალაქეების დეპორტაციის მიზეზების შესახებ ინფორმაციის ნაკლებობა იმით აიხსნება, რომ უკრაინის ხელისუფლების წარმომადგენლები თავიანთ გადაწყვეტილებას „უსაფრთხოების ეროვნული ინტერესებს“ უკავშირებენ. მისივე თქმით, „კონკრეტულად ხაზგასმას ამ პიროვნებებთან დაკავშირებით, რომ ისინი ამა თუ იმ კავშირში იყვნენ საქართველოს ექს-პრეზიდენტთან და მის პოლიტიკურ საქმიანობასთან, ამ მოცემულ ეტაპზე ადგილი არ აქვს“. 

ელჩის განცხადებით, უკრაინის პრემიერ-მინისტრის დავალებით, 22 ნოემბერს მას საზღვრის დაცვის და მიგრაციის სახელმწიფო სამსახურების ხელმძღვანელები შეხვდებიან, „სადაც ეს საქმეები დეტალურად იქნება განხილული“. გელა დუმბაძის თქმით, შეხვედრაზე ცალკე საკითხად დააყენებს „საელჩოს დროულ ინფორმირებას ყველა მსგავს შემთხვევასთან დაკავშირებით“. 

უკრაინის სახელმწიფო უსაფრთხოების სამსახურის ცნობით, უსაფრთხოების სამსახურის, ეროვნული პოლიციის, საზღვრის დაცვის და მიგრაციის სამსახურების ერთობლივი მოქმედებით, 17 ნოემბერს უკრაინიდან საქართველოს რვა მოქალაქე იქნა გაძევებული. გავრცელებული ინფორმაციით, მათ შორის იყვნენ ტელეკომპანია „რუსთავი 2“-ის ოპერატორი, ასევე - ქართველი მოხალისეები, რომლებიც დონბასში უკრაინის მხარეს იბრძოდნენ. 

საქართველოს ყოფილმა პრეზიდენტმა, უკრაინის ოპოზიციური პარტიის „ახალი ძალების მოძრაობის“ ლიდერმა, მიხეილ სააკაშვილმა, რომელიც ქართველების დაკავებისა და დეპორტაციის შესახებ ფეისბუქით იტყობინებოდა, საქართველო მოქალაქეების გაძევება მის წინააღმდეგ უკრაინის პრეზიდენტის, პოროშენკოს, და საქართველოს ყოფილი პრემიერის, ივანიშვილის, ერთობლივ მოქმედებებს დაუკავშირა.  

საქართველოს მოქალაქეების დეპორტაციასთან დაკავშირებით, ერთიანმა ნაციონალურმა მოძრაობამ 20 ნოემბერს საქართველოს საგარეო საქმეთა სამინისტროსთან საპროტესტო აქცია გამართა. ოპოზიციურმა პარტიამ მთავრობა „საქართველოს მოქალაქეების უფლებების დაცვაში პოლიტიკური ნიშნით შერჩევითობაში“ დაადანაშაულა

მანამდე, 15 ოქტომბერს, უკრაინაში შესვლის უფლება საქართველოს პარლამენტის წევრს, ნაციონალური მოძრაობის წარმომადგენელს, კობა ნაყოფიას არ მისცეს. 11 ნოემბერს კი, უკრაინაში არ შეუშვეს საქართველოს სახელმწიფო დაცვის სპეციალური სამსახურის თანამშრომელი, რომელიც კიევში ჩასულ მიხეილ სააკაშვილის უმცროს შვილს ნიკოლოზ სააკაშვილს ახლდა.

უახლესი ამბები
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.
23 აპრ.'18 18:28
სასამართლომ ბაჩო ახალაია პოლკოვნიკ თეთრაძის საქმეში დამნაშავედ სცნო
საქართველოს თავდაცვის ყოფილ მინისტრს საქალაქო სასამართლო 9 წლით თავისუფლების აღკვეთა მიუსაჯა.
23 აპრ.'18 17:59
ფინანსთა მინისტრი ვაშინგტონში საფინანსო ინსტიტუტების წარმომადგენლებს შეხვდა
მამუკა ბახტაძე ამერიკის შეერთებულ შტატებში 19 აპრილს გაემგზავრა, სადაც თვის ბოლომდე დარჩება.
23 აპრ.'18 15:42
წითელი ჯვარი: აფხაზეთის კონფლიქტისას გაუჩინარებული 22 ადამიანის ნეშტი იდენტიფიცირებულია
იდენტიფიკაცია იმ სააკოორდინაციო მექანიზმის ფარგლებში განხორციელდა, რომელიც წითელი ჯვრის მხარდაჭერით 2010 წელს ჩამოყალიბდა.
23 აპრ.'18 15:34
რუსეთის საგარეო უწყება აფხაზეთის და სამხრეთ ოსეთის მიმართ თბილისის პოლიტიკას აკრიტიკებს
მარია ზახაროვას თქმით, საქართველომ უნდა მიიღოს ახალი პოლიტიკური რეალობა და აღიაროს მათი დამოუკიდებლობა.
20 აპრ.'18 19:09
ევროპის საბჭომ საქართველოში კონფლიქტის შესახებ ანგარიში გამოაქვეყნა
ანგარიში აფხაზეთსა და ცხინვალის რეგიონში უსაფრთხოების და ადამიანის უფლებათა დაცვის კუთხით არსებულ ვითარებას აფასებს.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
62