Civil.ge-ს შესახებ
Eng | ქარ | Рус
ბოლო განახლება: 19:33 - 30 იან.'15
RSS
Mobile
Twitter
Facebook
ივანიშვილთან დაკავშირებული საკონსტიტუციო ცვლილების პროექტი დეპუტატებმა განიხილეს
სივილ ჯორჯია, თბილისი / 7 მაი.'12 / 19:06

საქართველოში პასიური და აქტიური საარჩევნო უფლებით 2015 წლის 1 იანვრამდე საქართველოს მოქალაქეებთან ერთად ასევე ისარგებლებენ ევროკავშირის წევრი სახელმწიფოების ის მოქალაქეები, რომლებიც დაბადებულები არიან საქართველოში, 10 წელი უცხოვრიათ და ბოლო 3 წლის განმავლობაში მუდმივად ცხოვრობენ საქართველოში.

ამის შესახებ საუბარია კონსტიტუციაში ცვლილებათა პროექტში, რომელიც დროებითი ნორმის საფუძველზე ბიძინა ივანიშვილს, ოპოზიციური კოალიცია „ქართული ოცნების“ ლიდერს საქართველოს მოქალაქეობის მიღების გარეშე აძლევს უფლებას მონაწილეობა მიიღოს როგორც 2012 წლის ოქტომბრის საპარლამენტო, ისე 2013 წლის საპრეზიდენტო არჩევნებში. 

ამასთან, პროექტის თანახმად, პარლამენტის წევრად შეიძლება აირჩეს საქართველოს მოქალაქე 21 წლიდან, ნაცვლად კონსტიტუციით ამჟამად განსაზღვრული 25–წლიანი ასაკობრივი ცენზისა.

სწორედ ასაკის დაწევის საკითხზე იყო მარტის ბოლოს თავდაპირველად ინიცირებული საკონსტიტუციო ცვლილება. მისი ერთთვიანი საერთო–სახალხო განხილვის სავალდებულო პროცედურა ახალი დაწყებული იყო, როცა 4 აპრილს ბიძინა ივანიშვილისთვის ნატურალიზაციის გზით საქართველოს მოქალაქეობის მინიჭებაზე ხელისუფლების უარის კვალდაკვალ, საპარლამენტო უმცირესობის წამყვანმა პარტიამ – ქრისტიან–დემოკრატიულმა მოძრაობამ საკონსტიტუციო კომისიას მიმართა წინადადებით, რაც ივანიშვილისთვის, როგორც საქართველოში დაბადებული საფრანგეთის მოქალაქისთვის არჩევნებში მონაწილეობის შესაძლებლობას გააჩენდა.

თუმცა ქრისტიან–დემოკრატების წინადადება მხოლოდ დეპუტატად კენჭისყრის შესაძლებლობას ითვალისწინებდა და არა აქტიურ საარჩევნო უფლებას, რაც არჩევნებში ხმის მიცემას გულისხმობს – ეს დებულება დამატებულია პროექტის იმ ვარიანტში, რომლის პლენარულ სხდომაზე გატანასაც პარლამენტის იურიდიულ საკითხთა კომიტეტმა დღევანდელ სხდომაზე დაუჭირა მხარი.

ამასთან, მოქმედი კონსტიტუცია ასევე განსაზღვრავს, რომ საქართველოს პრეზიდენტის, პრემიერ-მინისტრის, პარლამენტის თავმჯდომარის თანამდებობა არ შეიძლება ეკავოს საქართველოს იმ მოქალაქეს, რომელიც იმავდროულად უცხო ქვეყნის მოქალაქეა. თუმცა ამ ნორმის შეცვლაზე პროექტის ტექსტში ამ ეტაპზე არაფერია ნათქვამი. 

„ჩვენ უნდა დავასრულოთ ყოველგვარი სპეკულაციები იმასთან დაკავშირებით, თითქოს საქართველოში ვინმეს უკრძალავენ არჩევნებში მონაწილეობას ან რაიმე პოლიტიკურ აქტიურობას“, – განუცხადა ჟურნალისტებს პავლე კუბლაშვილმა კომიტეტის თავმჯდომარემ მმართველი პარტიიდან.

იმისათვის, ივანიშვილმა სრულად ისარგებლოს ყველა იმ პოლიტიკური უფლებებით, რაც საქართველოს მოქალაქისთვის არის კანონმდებლობით გარანტირებული, საკონსტიტუციო ცვლილებების დამტკიცების გარდა საჭირო გახდება მთელი რიგი ცვლილებების შეტანა სხვადასხვა კანონებში.

ამავე თემაზე
უახლესი ამბები
30 იან.'15 19:33
საქართველოს ეკონომიკის და ენერგეტიკის მინისტრები უკრაინას სტუმრობენ
საქართველო და უკრაინა მთავრობათაშორისი კომისიის სხდომას ბათუმში ივნისში გამართავენ.
30 იან.'15 19:00
ვერშბოუ საქართველოში დაგეგმილი საწვრთნელი ცენტრის შესახებ
„შერჩევითი სამართალი და პოლიტიკურად მოტივირებული სამართლებრივი დევნის აღქმაც კი უნდა იქნას თავიდან აცილებული“, განაცხადა ნატოს გენმდივნის მოადგილემ.
30 იან.'15 18:24
წინასწარი მონაცემებით, 2014 წელს მშპ-ის ზრდამ 4.7% შეადგინა
2014 წლის მეოთხე კვარტალში ეკონომიკა წინა წლის შესაბამის პერიოდთან შედარებით 1.6%-ით გაიზარდა, „საქსტატის“ თანახმად.
30 იან.'15 16:22
პრეზიდენტი საარჩევნო სისტემის საკითხებზე არასაპარლამენტო ოპოზიციის წარმომადგენლებს შეხვდა
პრეზიდენტის ადმინისტრაციის განცხადებით, საარჩევნო კანონმდებლობა შემჭიდროვებულ ვადებში უნდა დაიხვეწოს.
30 იან.'15 13:13
ქადაგიძე: უფრო მკაცრი მონეტარული პოლიტიკა და ეკონომიკური ზრდის პროგნოზის შემცირებაა საჭირო
ლარის გაცვლითი კურსის გაუფასურებამ მიაღწია იმ ზღვარს, როდესაც არსებობს ფასების ზრდის „მნიშვნელოვანი საფრთხე“, განაცხადა ეროვნული ბანკის პრეზიდენტმა.
29 იან.'15 18:19
ნატოს გენერალური მდივნის მოადგილე თბილისში მოლაპარაკებებს მართავს
საქართველო და ნატო მზად არიან  ერთობლივი საწვრთნელი და შეფასების ცენტრი შექმნან წლის ბოლოსკენ, განაცხადა ვერშბოუმ.
29 იან.'15 13:49
ივანიშვილი სამომავლო გეგმებზე საუბრობს
ვადამდელი არჩევნები არც საჭირო და არც სასურველია, მაგრამ „არაფერი არ უნდა გამოვრიცხოთ“, განაცხადა ექს–პრემიერმა.
28 იან.'15 19:51
ემზარ კვიციანი პატიმრობიდან საპროცესო შეთანხმებით გათავისუფლდა
კვიციანი და მისი შეიარაღებული დაჯგუფება კოდორის ხეობას აკონტროლებდნენ, სანამ 2006 წელს იქიდან ხელისუფლება გააძევებდა.
28 იან.'15 19:02
პრეზიდენტი უზენაესი სასამართლოს თავმჯდომარის კონკრეტული კანდიდატების შეთავაზებისკენ მოუწოდებს
მარგველაშვილის თქმით, მან დაასრულა შერჩევის კრიტერიუმებზე კონსულტაციები და ახლა „პროფესიულ წრეებისგან“ კანდიდატების 9 თებერვლამდე დასახელებას ელის.
28 იან.'15 15:06
ნატოს გენერალური მდივნის მოადგილე საქართველოს ეწვევა
ალექსანდრე ვერშბოუ საქართველოს ხელმძღვანელობას და კათოლიკოს–პატრიარქს შეხვდება.

სივილ ჯორჯიას შესახებ
Civil.Ge © 2001-2013, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
57