Civil.ge-ს შესახებ
Eng | ქარ | Рус
ბოლო განახლება: 19:42 - 27 ნოე.'14
RSS
Mobile
Twitter
Facebook
აშშ–ის წარმომადგენელი საქართველოსთან თანამშრომლობის შესახებ
სივილ ჯორჯია, თბილისი / 24 თებ.'12 / 12:59


თავდაცვის აკადემიის კურსანტები აშშ–ის თავდაცვის მდივნის თანაშემწის მოადგილის სელესტა ვოლანდერის გამოსვლას უსმენენ 22 თებერვალს გორში. 

საქართველო და აშშ თავდაცვის სფეროში ურთიერთობებს აღრმავებენ თანამშრომლობის „ახალი სფეროების“ ათვისების გზით, მაგრამ ეს იმას არ ნიშნავს, რომ მუშაობა აღარ გაგრძელდება „თავდაცვის სფეროს ინსტიტუციური მშენებლობის საფუძვლებზე“, რაზეც საქართველოს შეიარაღებული ძალების დახმარების პროცესში აშშ აქცენტს აკეთებდა ბოლო წლების განმავლობაში,  განაცხადა აშშ–ის თავდაცვის მდივნის თანაშემწის მოადგილემ სელესტა ვოლანდერმა.

22 თებერვალს გორში თავდაცვის ეროვნულ აკადემიაში ქართველი ოფიცრების წინაშე სიტყვით გამოსვლისას ვოლანდერმა განაცხადა, რომ ავღანეთის მისიისთვის მომზადების გარდა, აშშ ბოლო სამი წლის განმავლობაში საქართველოს შეიარაღებულ ძალებს ასევე ეხმარებოდა „თავდაცვის სფეროს დოქტრინის შემუშავებაში, თავდაცვის სამინისტროში და შეიარაღებულ ძალებში შესაბამისი სტრუქტურების და სისტემების ორგანიზებაში და ეფექტური პროფესიონალური სამხედრო განათლების პროგრამის ჩამოყალიბებაში“.

„მართალია მუშაობა ამ მიმართულებებით არ დაგისრულებიათ, ჩვენი და ასევე ნატოს შეფასებები ცხადყოფს, რომ თქვენი რეფორმების წყალობით დაიწყო ისეთი შეიარაღებული ძალების მშენებლობა, რომელიც არა მხოლოდ უფრო თავსებადია აშშ–სთან და ნატოსთან, არამედ უკვე იწყებს დასავლური და ევრო–ატლანტიკური სტანდარტების შესაბამისი ქცევის დამკვიდრებას“, – განაცხადა ვოლანდერმა, რომლის გამოსვლის სრული ტექსტი აშშ–ის საელჩოს ვებგვერდზე გამოქვეყნდა.
 
„საქართველოს შეიარაღებული ძალები თანამედროვე, პროფესიული შეიარაღებული ძალების სულისკვეთების ათვისების პროცესშია, ისეთი [სამხედრო ძალის], რომელიც თქვენი დემოკრატიის მხარდაჭერის საქმეში აპოლიტიკურ როლს თამაშობს. ეს გარდაქმნის პროცესი სასიცოცხლოდ მნიშვნელოვანია“, – განაცხადა მან.

მან ასევე განაცხადა, რომ საქართველოს თავდაცვის სამინისტროსთვისაც და აშშ–ის თავდაცვის დეპარტამენტისთვისაც „ძალიან სასიხარულო იყო ის განცხადება, რომელიც ჩვენმა პრეზიდენტებმა თავდაცვის სფეროში ჩვენი თანამშრომლობის განვითარების შესახებ გააკეთეს.“

„მაგრამ ჩვენი ურთიერთობის განვითარება თანამშრომლობის ახალი სფეროების ათვისების კუთხით არ ნიშნავს, რომ ჩვენ შევწყვეტთ თანამშრომლობას და აქცენტის გაკეთებას თავდაცვითი ინსტიტუციების მშენებლობის საფუძვლებზე, რამაც აქამდე წარმატება მოგიტანათ“, – განაცხადა ვოლანდერმა, თუმცა თანამშრომლობის „ახალი სფეროების“ დეტალებზე არ უსაუბრია.

„პირიქით, ახლა თქვენ უნდა დაიწყოთ ამ საფუძვლების სრულყოფილი ცოდნის დემონსტრირება და პრაქტიკაში გამოიყენოთ ის, სანამ არ მოხდება მათი შეიარაღებულ ძალებში ღრმად ფესვგადგმულ ტრადიციად დანერგვა“, – განაცხადა მან.

მან ასევე განაცხადა, რომ არსებობენ ისეთებით, ვინც ეჭვქვეშ აყენებენ საქართველოს მიერ მიღწეულ "პროგრესს".

„ყველაზე მნიშვნელოვანი და ყველაზე ეფექტური ნაბიჯი, რომელიც ამ სკეპტიკოსების დასარწმუნებლად შეიძლება გადადგათ არის ის, რომ ცალსახად დაანახოთ მათ, რომ თქვენ ნათლად გესმით და შეგწევთ უნარი  შესაფერისად მოიქცეთ და დემოკრატიულ სახელმწიფოში შეიარაღებული ძალების შესაბამისი როლი უზრუნველყოთ“, – განაცხადა ვოლანდერმა.

„ეს იმაზე უფრო მნიშვნელოვანია ვიდრე ნებისმიერი იარაღის ან სამხედრო ტექნიკის შეძენა, საბრძოლო უნარჩვევების დაუფლება ან თუნდაც კოალიციის რომელიმე სამხედრო ძალებთან თავსებადობა. ევრო-ატლანტიკური ინტეგრაციის გზაზე თქვენი საბოლოო გამოცდის ჩასაბარებლად თქვენ უნდა აჩვენოთ, რომ საქართველოს სამხედრო ძალებს ესმით საკუთარი როლი სრულად დემოკრატიულ და ევროპულ საქართველოში", – აღნიშნა მან.

„მჯერა, რომ იმაზე მეტად ვერაფერი შეარყევს თქვენი ნატოსკენ მისწრაფებებისადმი მხარდაჭერას და ვერ გააძლიერებს მათ, ვინც ისედაც სკეპტიკურად არიან განწყობილნი თქვენი ევროპული ინტეგრაციის მიმართ, ვიდრე ისეთი საქციელი, ან ქმედებები, რომელიც არ შეესაბამება დემოკრატიულ, თანამედროვე, ევროპულ ქვეყანას“, – განაცხადა მან.

„წელს და მომავალ წელს, მსოფლიო აკვირდება საქართველოს იმაზე უფრო მეტად, ვიდრე ოდესმე, რათა დაინახოს შეუწყობს თუ არა ხელს თქვენი ამჟამინდელი რეფორმები კონკურენტუნარიანი საარჩევნო გარემოს ჩამოყალიბებას და არჩევნებს, რომლის შედეგადაც ქართველი ხალხის ნების შესაბამისად მოხდება ხელისუფლების თავისუფალი და სამართლიანი დემოკრატიული გადაცემა“, – განაცხადა ვოლანდერმა.

მან ასევე ისაუბრა იმ ძირითად პრინციპებზე, რომლის საფუძველზეც უნდა ჩამოყალიბდეს  შეიარაღებული ძალები დემოკრატიულ საზოგადოებაში, როგორიცაა კონსენსუსი საზოგადოების შიგნით შეიარაღებული ძალების როლსა და მიზანზე; შეიარაღებული ძალების პოლიტიკურ ნეიტრალიტეტზე; შეიარაღებული ძალების სამოქალაქო კონტროლზე.

ამავე თემაზე
უახლესი ამბები
27 ნოე.'14 19:42
პარლამენტმა მოსმენების შესახებ მთავრობის მიერ მხარდაჭერილი საკანონმდებლო პაკეტი მიიღო
რესპუბლიკელების მიერ ინიცირებული კანონპროექტები კენჭისყრაზე ჩავარდა.
27 ნოე.'14 15:05
ექს-პრეზიდენტ სააკაშვილს გირგვლიანის საქმეზე ბრალი წაუყენეს
მიხეილ სააკაშვილს პროკურატურა სამსახურეობრივი უფლებამოსილების ბოროტად გამოყენებაში ადანაშაულებს.
27 ნოე.'14 13:31
ფარული მოსმენების შესახებ საკანონმდებლი ცვლილებების განხილვისას ქართული ოცნების პოზიციები გაყოფილია
ოპოზიციური დეპუტატები და ქართული ოცნების ზოგიერთი დეპუტატი მთავრობის მიერ მხარდაჭერილ ვარიანტს ეწინააღმდეგებიან.
27 ნოე.'14 12:40
ლატვიის საგარეო საქმეთა მინისტრი აღმოსავლეთ პარტნიორობის რიგის სამიტის მიზნებზე საუბრობს
„ჩვენ ნამდვილად გვინდა რიგის სამიტი იყოს ვიზების ლიბერალიზაციის სამიტი“, განაცხადა რინკევიჩსმა თბილისში.
26 ნოე.'14 12:07
კარასინი მოსკოვსა და სოხუმს შორის გაფორმებული ახალი ხელშეკრულების შესახებ
რუსეთის საგარეო საქმეთა მინისტრის მოადგილემ იმედი გამოთქვა, რომ თბილისთან დიალოგი გაგრძელდება.
26 ნოე.'14 10:50
ლატვიის პრეზიდენტი საქართველოს სტუმრობს
ანდრის ბერჟინსს მთავრობის წევრები და ლატვიელი ბიზნესმენების დიდი ჯგუფი ახლავს თან.
25 ნოე.'14 16:39
თავდაცვის სამინისტროს დაკავებული თანამშრომლების საქმეს საიდუმლო გრიფი ნაწილობრივ მოეხსნა
საქმის ნაწილობრივ განსაიდუმლოებას, დაახლოებით, ერთი თვე დასჭირდა, თუმცა მასალების 7 პროცენტი კვლავ საიდუმლო რჩება.
25 ნოე.'14 12:57
ევროკავშირი: მოსკოვის ხელშეკრულება სოხუმთან ‘აზიანებს სიტუაციის სტაბილიზაციისკენ განხორციელებულ ძალისხმევას’
ეს „ეწინააღმდეგება საერთაშორისო სამართლის პრინციპებს“, განაცხადა საგარეო და უსაფრთხოების პოლიტიკის საკითხებში ევროკავშირის უმაღლესმა წარმომადგენელმა.
25 ნოე.'14 12:54
შეთანხმების გაფორმების შემდეგ პუტინი სოხუმს 2015 წელს 200 მლნ აშშ დოლარზე მეტს დაპირდა
ამ დახმარების ნახევარზე მეტი რუსეთის იმ ვალდებულებების დაკმაყოფილებას მოხმარდება, რაც ახალ ხელშეკრულებაშია ასახული.
25 ნოე.'14 12:46
ნატო არ აღიარებს მოსკოვსა და სოხუმს შორის ე.წ. ხელშეკრულებას
ნატოს გენერალურმა მდივანმა განაცხადა, რომ ეს „არ უწყობს ხელს მშვიდობიან და გრძელვადიან მოგვარებას“.

სივილ ჯორჯიას შესახებ
Civil.Ge © 2001-2013, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
67