Civil.ge-ს შესახებ
Eng | ქარ | Рус
ბოლო განახლება: 14:21 - 24 მარ.'17
RSS
Mobile
Twitter
Facebook
სააკაშვილი: ISAF-ში მონაწილეობა საქართველოს აშშ–თან სამხედრო თანამშრომლობის ‘ახალ ეტაპზე’ გადასვლას დაეხმარა
სივილ ჯორჯია, თბილისი / 3 თებ.'12 / 14:15

პრეზიდენტმა სააკაშვილმა განაცხადა, რომ საქართველოს მონაწილეობას ავღანეთის ოპერაციაში „ტყუილად არ ჩაუვლია“ და ამას აშშ–საქართველოს სამხედრო თანამშრომლობის „ახალ ეტაპზე“ გადასვლა მოყვა, რაც საქართველოს საკუთარი თავდაცვისუნარიონობის ამაღლებაში დაეხმარება.

სააკაშვილმა ეს მას შემდეგ განაცხადა, რაც მერილენდში, სამხედრო ჰოსპიტალში ავღანეთში დაჭრილი ქართველი ჯარისკაცი მოინახულა: „ჩვენ უნდა გვესმოდეს, რომ ის, რომ ახლა მიღებულია გადაწყვეტილება სამხედრო თანამშრომლობა გადავიდეს საერთოდ ახალ, სხვა ეტაპზე და რეალურად დავკავდეთ საქართველოს საკუთარი თავის დაცვით“, არის საქართველოს ISAF–ში მონაწილეობის შედეგი.    

„საქართველოა ჩვენი მთავარი დასაცავი და საქართველოა ჩვენი მთავარი საზრუნავი და ეს ბიჭები ავღანეთში არიან საქართველოსთვის, პირველ რიგში“, – განაცხადა სააკაშვილმა. 

2 თებერვალს აშშ–ის სახელმწიფო დეპარტამენტის ოფიციალურ წარმომადგენელს ვაშინგტონში გამართულ ბრიფინგზე ჰკითხეს, თუ რას ნიშნავს თავდაცვის სფეროში თანამშრომლობის „ახალი ეტაპი“, რაზეც პრეზიდენტი სააკაშვილი აშშ–ის ხელმძღვანელობასთან გამართული მოლაპარაკებების შემდეგ საუბრობს, და ნიშნავს თუ არა ეს, რომ აშშ შეიარაღებას მიაწვდის საქართველოს.  

სახელმწიფო დეპარტამენტის ოფიციალურმა წარმომადგენელმა ვიქტორია ნულანდმა უპასუხა: „ამერიკის შეერთებული შტატები და საქართველო შეთანხმდნენ განაგრძონ ორმხრივი თანამშრომლობა თავდაცვის და უსაფრთხოების სფეროებში“.

„ეს თანამშრომლობა იმ წარმატებულ პროგრამებზეა აგებული, რომელიც ჩვენ უკვე გვაქვს, რათა საქართველოს შეიარაღებულ ძალებს რეფორმების განხორციელებაში დავეხმაროთ – ის, რასაც ჩვენ მსოფლიოს მასშტაბით ბევრ შეიარაღებულ ძალებთან მიმართებაში ვაკეთებთ, მათ შორის საქართველოს მეზობლებთან – და თავდაცვის სფეროს მოდერნიზაციის საქმეშიც დავეხმაროთ, რათა მათ საკუთარ თავდაცვაში აღმოვუჩუნოთ მხარდაჭერა – ამრიგად, საუბარია თავდაცვაზე. და ასევე მხარი დავუჭიროთ იმ საქმეს, რასაც საქართველოს შეიარაღებული ძალები ავღანეთის ISAF-ის ოპერაციაში ასრულებენ და დავეხმაროთ მათ ნატოსთან თავსებადობას“, – განაცხადა ვიქტორია ნულანდმა.

ასევე 2 თებერვალს პრეზიდენტი სააკაშვილი ცენტრალური სადაზვერვო სააგენტოს დირექტორს, გენერალ დევიდ პეტრეუსს შეხვდა და „ბევრი აქტუალური საკითხი“ განიხილა, იტყობინება საქართველოს პრეზიდენტის ადმინისტრაცია მოკლე პრეს–რელიზში. ამავე ცნობით, გენერალმა პეტრეუსმა განაცხადა, რომ იგი „აღფრთოვანებულია ქართველი ჯარისკაცების მამაცობით და მათი მებრძოლი სულით“.  გენერალი პეტრეუსი ქართველ სამხედროებს ორ  ფრონტზე - ერაყსა და შემდეგ ავღანეთში ხელმძღვანელობდა.

ამავე თემაზე
უახლესი ამბები
24 მარ.'17 14:21
ეროვნული უშიშროების საბჭომ ნატოსა და აფხაზეთზე იმსჯელა
სხდომაზე შავი ზღვის უსაფრთხოება, ნატო-საქართველოს ურთიერთობები, თავდაცვის რეფორმა და უსაფრთხოების სტრატეგიის განახლება განიხილეს.
23 მარ.'17 17:59
ჯანელიძემ ტერორიზმის წინააღმდეგ გლობალური კოალიციის მინისტერიალში მიიღო მონაწილეობა
გლობალური კოალიციის მინისტერიალს 22 მარტს აშშ-ის სახელმწიფო მდივანმა რექს ტილერსონმა უმასპინძლა.
23 მარ.'17 16:58
ევროპის კონსერვატორებისა და რეფორმატორების ალიანსის განცხადება რუსთავი 2 -ის დავაზე
ალიანსს „სჯერა“, რომ საქართველო განაგრძობს ქვეყანაში მედია პლურალიზმის და მედია თავისუფლების მხარდაჭერას.
23 მარ.'17 14:16
პარლამენტმა ფარული მოსმენების შესახებ კანონპროექტზე პრეზიდენტის ვეტო დაძლია
პრეზიდენტის მოტივირებულ შენიშვნებს უმრავლესობის დეპუტატები არ დაეთანხმდნენ და მას "პოლიტიკურად" მოტივირებული უწოდეს. 
22 მარ.'17 18:03
საქართველოს ლიდერებმა მარნეულის მოსახლეობას ნოვრუზ ბაირამის დღესასწაული მიულოცეს
მარგველაშვილი და კვირიკაშვილი მარნეულში ნოვრუზ ბაირამის საზეიმო ღონისძიებას დაესწრნენ.  
22 მარ.'17 15:21
ევროპის საბჭოს კონგრესი: აფხაზეთის და სამხრეთ ოსეთის არჩევნები ‘უკანონოა’
კონგრესის პრეზიდენტმა გუდრუნ მოსლერ-ტორსტრომ განცხადება 21 მარტს გამოაქვეყნა.
22 მარ.'17 14:11
ავსტრალია აფხაზეთის და სამხრეთ ოსეთის არჩევნებს არ აღიარებს
ავსტრალია მხარს უჭერს საქართველოს სუვერენიტეტს და ტერიტორიულ მთლიანობას, განაცხადა ქვეყნის ელჩმა გაეროში.
22 მარ.'17 13:21
პუტინი მოსკოვში სეპარატისტული სამხრეთ ოსეთის ლიდერს შეხვდა
ლეონიდ თიბილოვმა და ვლარიმერ პუტინმა მომავალ არჩევნებზე, უსაფრთხოებასა და თავდაცვითი შესაძლებლობის გაძლიერებაზე იმსჯელეს.
21 მარ.'17 18:02
პარლამენტის თავმჯდომარე საკონსტიტუციო ცვლილებებზე საუბრობს
ცვლილებების მიხედვით პრეზიდენტი არაპირდაპირი წესით აირჩევა, ხოლო საპარლამენტო არჩევნები პროპორციული სისტემით გაიმართება.
20 მარ.'17 17:58
პრეზიდენტმა ფარული მოსმენების შესახებ კანონპროექტს ვეტო დაადო
ფარულ საგამოძიებო მოსმენებთან დაკავშირებული კანონპროექტი ოპერატიულ-ტექნიკური სააგენტოს შექმნას ითვალისწინებს.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
66