Civil.ge-ს შესახებ
Eng | ქარ | Рус
ბოლო განახლება: 18:45 - 23 ოქტ.'17
RSS
Mobile
Twitter
Facebook
სააკაშვილი: 'პუტინთან სალაპარაკოდ მუდმივად მზად ვარ'
სივილ ჯორჯია, თბილისი / 7 ოქტ.'11 / 22:54

რუსეთის დღევანდელ პრემიერ–მინისტრთან, ვლადიმერ პუტინთან, რომელიც კვლავ აპირებს რუსეთის სათავეში პრეზიდენტად დაბრუნებას, „სალაპარაკოდ მუდმივად მზად ვარ“, განაცხადა მიხეილ სააკაშვილმა.

“პუტინი არსად არ წასულა, მაგრამ რადგან ახლა ოფიციალურად მოვიდა უკან, მასთანაც სალაპარაკოდ მუდმივად ვარ მზად. მაგრამ ლაპარაკი ეფუძნება ორი თანასწორი ერის ლაპარაკს და არა იმას, რომ ჰგონია მას რომ აქ კუთხეში მიგვაჭედებს, გადაგვივლის, მოგვისყიდის, შიგნიდან ძირს გამოგვითხრის“, – განაცხადა მიხეილ სააკაშვილმა 7 ოქტომბერს საღამოს „რუსთავი 2“–ის პირდაპირ ეთერში საუბრისას.

„ვერაფერსაც ვერ გამოგვითხრის. ეგეთები გაგვივლია და ეგეთებს გავმკლავებივართ“, – დასძინა მან.

სააკაშვილის თქმით, პუტინთან დიალოგის მზადყოფნის შესახებ მან ფრანგ კოლეგასთან ორსაათიანი საუბრის დროსაც განაცხადა. ნიკოლა სარკოზიმ თბილისში თავის საჯარო გამოსვლაში საქართველოსა და რუსეთს დიალოგისკენ და შერიგებისკენ მოუწოდა.

სააკაშვილმა მოიყვანა პუტინის ინიციატივა ევრაზიის კავშირის ჩამოყალიბების შესახებ, რაც უნდა დაეფუძნოს რუსეთის, ბელარუსისა და ყაზახეთის საბაჟო კავშირს პოსტ–საბჭოთა სივრცეზე შემდგომი გაფართოვების გზით.

„პუტინმა ხომ თქვა რომ საბჭოთა კავშირის აღდგენა უნდა ევრაზიის კავშირის სახით. დღეს როგორც სარკოზიმ თქვა საბჭოთა კავშირი ვეღარ აღდგება, ვეღარ აღდგება. რაც უფრო ჩქარა გაიგებენ ამას, მით უფრო უკეთესია“, – განაცხადა სააკაშვილმა.

მისი თქმით, დღეს განსხვავებული სიტუაციაა 1921 წლისგან, როცა „ევროპამ გაყიდა საქართველო“.

„დღეს სარკოზის ვიზიტი ნიშნავს, რომ გაყიდვების და ჩაბარებების დრო დამთავრდა, იგივეს ნიშნავს ამერიკის განცხადებები, იგივეს ნიშნავს ის, რომ მთელ მსოფლიოში დაძრწის რუსეთი და პრაქტიკულად ვიღაც სრულიად მეათეხარისხოვანი რაღაც წარმონაქმნების გარდა, ვერსად ვერ მოიპოვა მხარდაჭერა, იმიტომ, რომ იმის ლეგალიზება, რაც მან ჩაიდინა საქართველოში არის შეუძლებელი“, – განაცხადა სააკაშვილმა.

“ჩვენ რუსების წინააღმდეგ რა გვაქვს, მაგრამ თავი დაგვანებონ, გვაღიარონ, წაიყვანონ თავისი ჯარები და თუ ჯარებს წაიყვანენ, შეუძლიათ შემოიყვანონ რამდენი ტურისტიც უნდათ, ისიამოვნონ და იარონ“, – განაგრძო მან, „მაგრამ ჩვენ ჩვენი მიწა დასათმობი მათთვის არ გვავქვს“.

თუმცა მან ასევე აღნიშნა, რომ იმის ილუზია, რომ „რუსეთი ხელს არ აიღებს ჩვენი ძირის გამოთხრაზე და აქ მეხუთე კოლონის ძებნაზე“ და „დაგვივიწყებენ“, არავის არ აქვს, მაგრამ „მეორეს მხრივ, არც იმის ილუზია არ გვაქვს, რომ ისინი ამას ბოლომდე მიიყვანენ“.  

მან განაცხადა, რომ „რუსეთმა უნდა შეწყვიტოს საქართველოში ხელების ფათური, საქართველოს დესტაბილიზაცია“ და იქვე დასძინა, რომ საქართველოს ამის „არ ეშინია“. 

 

ამავე თემაზე
უახლესი ამბები
23 ოქტ.'17 18:45
საერთაშორისო დამკვირვებლები: ფუნდამენტური თავისუფლებები ძირითადად დაცული იყო
OSCE/ODIHR-მა და ევროპის საბჭოს ადგილობრივ და რეგიონულ ხელისუფლებათა კონგრესმა ერთობლივი შეფასება გამოაქვეყნეს.
23 ოქტ.'17 16:42
მარგველაშვილი: საერთო ჯამში, არჩევნებმა მშვიდ ვითარებაში ჩაიარა, თუმცა იყო „ბევრი ხარვეზი“
პრეზიდენტმა 21 ოქტომბრის არჩევნების შემდეგ მოკლე განცხადება გააავრცელა.
23 ოქტ.'17 15:46
აშშ-ის საელჩო 21 ოქტომბრის ადგილობრივი არჩევნების შესახებ
არჩევნები „დიდწილად მშვიდობიან გარემოში ჩატარდა, თავისუფლების ფუნდამენტური უფლების  დაცვით“, განაცხადა საელჩომ.    
23 ოქტ.'17 15:39
NDI-ს შეფასება: არაკონკურენტული წინასაარჩევნო პერიოდის შემდეგ, არჩევნების დღემ ძირითადად ინციდენტების გარეშე ჩაიარა
ეროვნულმა დემოკრატიულმა ინსტიტუტმა 21 ოქტომბრის ადგილობრივი არჩევნების შესახებ წინასწარი შეფასება გამოაქვეყნა.
23 ოქტ.'17 12:19
ადგილობრივი სადამკვირვებლო ორგანიზაციები ‘ამომრჩევლის ნების კონტროლზე’ საუბრობენ
საია-მ, ISFED-მა და საერთაშორისო გამჭვირვალობამ არჩევნების დღე შეაჯამეს.
22 ოქტ.'17 17:37
წინასწარი შედეგები: ექვს ოლქში მერის არჩევნების მეორე ტურები გაიმართება
მმართველ პარტიას ბორჯომში, ყაზბეგში, ხაშურში, ქუთაისში, მარტვილსა და ოზურგეთში მეორე ტურებში მოუწევს მონაწილეობა.   
22 ოქტ.'17 16:11
წინასწარი შედეგები: კახა კალაძე თბილისის მერის არჩევნებს იგებს
მმართველი პარტიის კანრიდატმა ხმების 51.3% მიიღო და მეორე ტურის გარეშე იგებს არჩევნებს.
22 ოქტ.'17 15:09
წინასწარი შედეგები: ქართული ოცნება თბილისის საკრებულოში ადგილების ოთხ მეხუთედს იგებს
მმართველმა პარტიამ ხმების 53.03% დააგროვა და ყველა ერთმანდატიანი ოლქი მოიგო, რის შედეგადაც საკრებულოში 40 ადგილს დაიკავებს.
22 ოქტ.'17 00:35
ოპოზიციური კანდიდატების რეაგირება ეგზით პოლის შედეგებზე
„რუსთავი 2“-ის ეგზით პოლის თანახმად, მმართველი პარტიის თბილისი მერობის კანდიდატი დამაჯერებლად იმარჯვებს.
21 ოქტ.'17 23:45
მმართველი პარტიის კანდიდატი ტელეკომპანია „იმედის“ დაკვეთით ჩატარებული ეგზით პოლის შედეგებითაც ლიდერობს
ეგზით პოლის შედეგების მიხედვით, კახა კალაძემ თბილისში ხმათა 53% მიიღო.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
93