Civil.ge-ს შესახებ
Eng | ქარ | Рус
ბოლო განახლება: 19:36 - 30 სექ.'16
RSS
Mobile
Twitter
Facebook
სამართლებრივი წინააღმდეგობა პარლამენტის რიცხოვნობის ზრდის ირგვლივ
სივილ ჯორჯია, თბილისი / 28 ივნ.'11 / 20:02

  • საარჩევნო შეთანხმება პარლამენტის რიცხოვნობის 190–მდე გაზრდას ითვალისწინებს;
  • 2003 წლის რეფერენდუმის შედეგები დეპუტატთა რაოდენობას 150–ით განსაზღვრავს;
  • კანონით, რეფერენდუმის შედეგების შეცვლა შეიძლება ისევ რეფერენდუმით;
  • მმართველი პარტიის დეპუტატის თქმით, რეფერენდუმი არაკონსტიტუციური იყო;
  • მისი თქმით, 190–მდე გაზრდას სამართლებრივი წინააღმდეგობა არ ხვდება.

პოლიტიკური პარტიები, რომლებმაც ხელი მოაწერეს შეთანხმებას საარჩევნო საკითხებზე, სამართლებრივ წინაღობას აწყდებიან ამ გარიგების ერთ–ერთი ყველაზე მნიშვნელოვანი პუნქტის – დეპუტატთა რაოდენობის ამჟამინდელი 150–დან 190–მდე გაზრდის –  შესრულების გზაზე, აცხადებენ ამ გადაწყვეტილების მოწინაღმდეგენი.

პარლამენტში სადეპუტატო მანდატების რაოდენობა 235–დან 150–მდე იმ რეფერენდუმის შედეგების შესაბამისად შემცირდა, რომელიც 2003 წლის 2 ნოემბრის სადავო საპარლამენტო არჩევნებთან ერთად გაიმართა.

რეფერენდუმის შესახებ ორგანული კანონის 28–ე მუხლის მე–4 პუნქტის მიხედვით, "რეფერენდუმის შედეგად მიღებული გადაწყვეტილების შეცვლა ან გაუქმება შეიძლება მხოლოდ რეფერენდუმით“.

2003 წლის 2 ნოემბერს გამართულ რეფერენდუმზე შეკითხვას "თანახმა ხართ თუ არა, რომ საქართველოს პარლამენტის წევრთა რაოდენობა შემცირდეს და განისაზღვროს არა უმეტეს 150 დეპუტატით“, დადებითად ამომრჩეველთა 83.5%–მა უპასუხა.

2005 წლის 23 თებერვალს პარლამენტმა ცვლილება შეიტანა კონსტიტუციაში და დეპუტატთა რაოდენობა 150–მდე შეამცირა. ეს გადაწყვეტილება 2008 წლის საპარლამენტო არჩევნების შედეგად აღსრულდა.

რეფერენდუმი იმ საპარლამენტო არჩევნებთან ერთად ჩატარდა, რომელსაც 2003 წლის ნოემბრის "ვარდების რევოლუცია“ მოჰყვა. მაშინდელი საპარლამენტო არჩევნების მხოლოდ პროპორციული ნაწილი გამოცხადდა ბათილად უზენაესი სასამართლოს მიერ. თუმცა, მაშინ არც მაჟორიტარული წესით ჩატარებული არჩევნების და არც რეფერენდუმის შედეგები ეჭვქვეშ არ დამდგარა და სასამართლოსთვის მათი ბათილად ცნობის თაობაზე დღემდე არავის მიუმართავს.   

თუმცა რეფერენდუმის ჩატარებიდან შვიდნახევარი წლის გასვლის შემდეგ მისი კონსტიტუციურობა ეჭვქვეშ დადგა.

"2003 წლის რეფერენდუმი იყო არაკონსტიტუციური და მას იურიდიული ძალა არ გააჩნია, რადგან რეფერენდუმის გზით კონსტიტუციის შეცვლა დაუშვებელია. ამდენად, ამ რეფერენდუმის შედეგს, აპრიორი, ძალა არ აქვს“, – განუცხადა დეპუტატმა მმართველი პარტიიდან აკაკი მინაშვილმა Civil.ge-ს.

მას მხედველობაში ჰქონდა კონსტიტუციის 74 მუხლი, რომლის მეორე პუნქტშიც ნათქვამია, რომ "არ შეიძლება რეფერენდუმის მოწყობა კანონის მისაღებად ან გასაუქმებლად“. 2003 წლის რეფერენდუმზე დასმული შეკითხვის შინაარსი ეხებოდა ცვლილების შეტანას და არა კანონის "მიღებას ან გაუქმებას“. თუმცა საკანონმდებლო შესწორება ცვლილებების ან დამატებების შეტანის შესახებ კანონის მიღებით ხორციელდება.

მაშინ როდესაც 2005 წელს კონსტიტუციაში შევიდა ცვლილებები პარლამენტის რიცხოვნობის შემცირების თაობაზე, მინაშვილის განცხადებით, "ფორმალურად ეს გადაწყვეტილება რეფერენდუმის შედეგებს არ დაყრდნობია“.

ამდენად, მისი თქმით, საარჩევნო საკითხებზე მიღწეული შეთანხმება რეფერენდუმის შესახებ კანონთან "წინააღმდეგობაში არ მოდის“.

პრეზიდენტმა სააკაშვილმა 2005 წლის 10 თებერვალს პარლამენტში თავის ყოველწლიურ გამოსვლაში მოუწოდა დეპუტატებს იმ საკონსტიტუციო ცვლილებების მიღებისკენ, რომელიც რეფერენდუმის შედეგებზე დაყრდნობით შეამცირებდა დეპუტატთა რიცხოვნობას. 

“2 300 000 ამომრჩეველმა განაცხადა [2003 წლის რეფერენდუმის დროს], რომ დეპუტატთა რიცხვი არ უნდა აღემატებოდეს 150-ს, და თუ ჩვენ ამას ვერ შევასრულებთ, ეს იქნება იმ ამომრჩეველთა დამცირება“, – განაცხადა სააკაშვილმა 2005 წლის 10 თებერვალს.

შვიდი დღის შემდეგ, 2005 წლის 17 თებერვალს პარლამენტმა შესაბამისი საკონსტიტუციო ცვლილება პირველი მოსმენით მიიღო. იმავე დღეს პრეზიდენტმა სააკაშვილმა განაცხადა: „ის, რომ პარლამენტმა, მისმა უკლებლივ ყველა პოლიტიკურმა ჯგუფმა შეძლო პარლამენტის რიცხოვნობის 235-დან 150-მდე შემცირების ისტორიული გადაწყვეტილების მიღება მიუთითებს იმას, რომ საქართველოს ჰყავს პარლამენტი, რომელიც უსმენს ამომრჩევლის ნებას”.

მოგვიანებით, 2008 წლის საპარლამენტო არჩევნების წინ, როდესაც პოლიტიკური დაძაბულობის განმუხტვის მიზნით ქრისტიან–დემოკრატები პარლამენტის რიცხოვნობის ზრდის ინიციატივით გამოვიდნენ, პრეზიდენტმა სააკაშვილმა განაცხადა, რომ ის მზად იყო გადაეხედა რეფერენდუმის შედეგისთვის.

“თქვენ იცით, რომ რეფერენდუმის შედეგი იყო 150 კაციანი პარლამენტი, მაგრამ თუ ეს მოემსახურება ეროვნულ თანხმობას, სხვადასხვა პარტიებს შორის კონსენსუსს, ჩვენ მზად ვართ ასევე, რა თქმა უნდა, ავუხსნათ ჩვენ ხალხს, რომ ამისთვის ღირს 45 თუ 35 ადგილის დამატება, მაგრამ იმ პირობებში, თუ ყველა პოლიტიკური ძალა ამაზე შეთანხმდება“, - განაცხადა სააკაშვილმა 2008 წლის 18 მარტს. თუმცა მაშინ პარლამენტართა რიცხოვნობის გაზრდის თაობაზე გადაწყვეტილება არ ყოფილა მიღებული.

უახლესი ამბები
30 სექ.'16 19:36
საქართველოში ვიზიტით მყოფი რომის პაპი ‘რეგიონში სახელმწიფოების მშვიდობიანი თანაცხოვრებისკენ მოუწოდებს’
მან განაცხადა, რომ ქართულ ტრადიციებში ასახული ღირებულებები ქვეყანას „ევროპული ცივილიზაციის ძირითადი პრინციპების ფარგლებში აქცევს“.
30 სექ.'16 15:25
რომის პაპი საქართველოს სტუმრობს
პაპმა ფრანცისკემ ორდღიანი ვიზიტი საქართველოში პარასკევს შუადღისას დაიწყო.
30 სექ.'16 13:39
საქსტატი: მშპ–ის ზრდამ აგვისტოში 2.9% შეადგინა
წინასწარი ინფორმაციით, 2016 წლის პირველ რვა თვეში ეკონომიკის საშუალო რეალურმა ზრდამ 2.7% შეადგინა.
29 სექ.'16 18:59
კვირიკაშვილი: ‘ყველანაირი დესტაბილიზაცია არის გამორიცხული’
„საქართველოს ხელისუფლებას აქვს ძალა, რომ ჩაატაროს მშვიდობიანი, ევროპული სტანდარტის, გამჭირვალე არჩევნები“, - განაცხადა მან.
29 სექ.'16 17:28
მარიხუანას განმეორებითი მოხმარებისთვის პატიმრობის შეფარდება არაკონსტიტუციურად გამოცხადდა
საკონსტიტუციო სასამართლომ შესაბამისი ნორმის შინაარსი ძალადაკარგულად გამოაცხადა 11 თვის წინ მიღებულ მსგავს გადაწყვეტილებაზე დაყრდნობით.
29 სექ.'16 16:28
ნაციონალური მოძრაობა თბილისში 5 ოქტომბერს კამპანიის დასკვნითი აქციის გამართვას გეგმავს
ნაციონალური მოძრაობა ვარდების რევოლუციის მოედნიდან თავისუფლების მოედნამდე მსვლელობასაც გეგმავს.
28 სექ.'16 18:26
ქართულმა ოცნებამ ამერიკული ლობისტური, PR კომპანიები დაიქირავა
მმართველი პარტია Impact Management Group–ს 320 000 აშშ დოლარს უხდის აშშ–ში „ლობისტური მომსახურების“ გასაწევად.
28 სექ.'16 13:03
ეროვნულმა ბანკმა 40 მილიონი აშშ დოლარი გაყიდა
ბოლო თვეში ეროვნულმა ბანკმა სამი ინტერვენცია განახორციელა და საერთო ჯამში, 80 მილიონი აშშ დოლარი გაყიდა.
28 სექ.'16 12:46
„გირჩმა“ პაატა ბურჭულაძის საარჩევნო ბლოკი დატოვა
არჩევნებამდე ორი კვირით ადრე პოლიტიკური გაყრის შემდეგ ბურჭულაძე და ჯაფარიძე ურთიერთბრალდებებით გამოვიდნენ.
27 სექ.'16 18:09
„ეს შენ გეხება“: ფარული ჩანაწერების გავრცელებაზე არანაკლებ ‘აღმაშფოთებელია’ მისი შინაარსი
კამპანიის მონაწილე ორგანიზაციები ხელისუფლებას მოუწოდებენ „ეფექტურად გამოიძიოს უკანონო მოსმენებთან დაკავშირებული ყოველი დანაშაული“.

სივილ ჯორჯიას შესახებ
Civil.Ge © 2001-2016, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
42