Civil.ge-ს შესახებ
Eng | ქარ | Рус
ბოლო განახლება: 15:56 - 10 დეკ.'16
RSS
Mobile
Twitter
Facebook
ცესკოს ახალი თავმჯდომარე ზურაბ ხარატიშვილი გახდა
სივილ ჯორჯია, თბილისი / 15 იან.'10 / 17:59

ცენტრალური საარჩევნო კომისიის (ცესკო) ახალ თავმჯდომარედ ზურაბ ხარატიშვილი აირჩია ხუთი წლის ვადით პარლამენტმა 15 იანვარს გამართულ რიგგარეშე სხდომაზე.

42 წლის ზურაბ ხარატიშვილი საზოგადოებრივი მაუწყებლის სამეურვეო საბჭოს წევრია 2008 წლის თებერვლიდან, იგი არის სერტიფიცირებული პროფესიონალი აუდიტორი 16-წლიანი გამოცდილებით. მისი საარჩევნო გამოცდილება უკავშირდება ცესკოს იმ ჯგუფის წევრობას, რომელიც 2008 წლის არჩევნების დროს პოლიტიკური პარტიების საარჩევნო კამპანიის ფინანსებს უწევდა მონიტორინგს.

ზურაბ ხარატიშვილი ცესკოს თავმჯდომარეობის კანდიდატად არასამთავრობო ორგანიზაცია ალპემ დაასახელა.  

მასთან ერთად ცესკოს თავმჯდომარეობის ორი კანდიდატი იყო ლევან თარხნიშვილი და საკონსტიტუციო სასამართლოს მოსამართლე ოთარ სიჭინავა, თუმცა ვერცერთმა მათგანმა დეპუტატების საკმარისი ხმები ვერ მოიპოვა.

ლევან თარხნიშვილმა, 2007 წლიდან ცესკოს თავმჯდომარემ და ამ დრომდე მოვალეობის შემსრულებელმა, კენჭისყრების დაწყებამდე მოუწოდა პარლამენტის ტრიბუნიდან, რომ არ დაეჭირათ მხარი მის ამ თანამდებობაზე ხელახლა არჩევისთვის.

თარხნიშვილის განცხადებით, ოპოზიციური პარტიები ბოლო ორი წლის განმავლობაში მისგან ”მტრის ხატს” ქმნიდნენ, თუმცა, მისი თქმით, ”არც საპრეზიდენტო, არც საპარლამენტო და არც შუალედური არჩევნები არ გაყალბებულა”.

პარლამენტში თავმჯდომარის არჩევის პროცედურამ მას შემდეგ გადაინაცვლა, რაც ცესკოს ოპოზიციურმა წევრებმა არ გააკეთეს არჩევანი რომელიმე კანდიდატის სასარგებლოდ იმ მოტივით, რომ პრეზიდენტის მიერ წარმოდგენილი კანდიდატები მათთვის მიუღებელი იყო.

დეპუტატებმა მმართველი პარტიიდან განაცხადეს, რომ ამ ნაბიჯით ოპოზიციამ არჩევანის შანსი ხელიდან გაუშვა და პასუხიმგებლობის აღებას აარიდა თავი.

”ახლა ჩვენ მივიღებთ გადაწყვეტილებას,”- განაცხადა კენჭისყრის წინ უმრავლესობის ერთ-ერთმა ლიდერმა გიორგი გაბაშვილმა.

პარლამენტში ოპოზიციის ყველა წარმომადგენელმა, გარდა გია თორთლაძისა, განაცხადეს, რომ ისინი კენჭისყრაში მონაწილეობას არ მიიღებდნენ. თუმცა ქრისტიან-დემოკრატებმა ასევე გააკრიტიკეს ოპოზიციის ის ნაწილიც, რომლებმაც ცესკოში თავმჯდომარის არჩევას ბოიკოტი გამოუცხადეს.

კონსერვატორებმა, ლეიბორისტებმა და რესპუბლიკელებმა თავიდანვე უნდობლობა გამოუცხადეს წარმოდგენილ კანდიდატურებს. რესპუბლიკურმა პარტიამ ასევე განაცხადა, რომ ზურაბ ხარატიშვილის ფიგურა შინაგან საქმეთა მინისტრთან ვანო მერაბიშვილთან ასოცირდებოდა.

იმავდროულად, დღეს პარლამენტმა მხარი დაუჭირა ცენტრალური საარჩევნო კომისიის (ცესკო) სამი წევრის არჩევას, თითო ვაკანსიაზე პრეზიდენტის მიერ წარდგენილი 2-2 კანდიდატიდან.  

ცესკოში ვაკანსიები მას შემდეგ გაჩნდა, რაც 2010 წლის 1 იანვრიდან უფლებამოსილების ვადა ამოეწურა სამ წევრს, მათ შორის გიზო მჭედლიძეს, რომელიც 2005 წლიდან ცესკოს მდივანი იყო და დღევანდელი გადაწყვეტილებით ხელახლა იქნა არჩეული.

მჭედლიძესთან ერთად ცესკოს ახალი წევრები გახდნენ თამაზ შარმანაშვილი - აჭარის უმაღლესი საარჩევნო კომისიის თავმჯდომარის ამჟამინდელი მოადგილე; და კონსტანტინე კირვალიძე - იურიდიულ საკითხთა კომიტეტის თავმჯდომარის, პავლე კუბლაშვილის თანაშემწე. 

 

ამავე თემაზე
უახლესი ამბები
10 დეკ.'16 15:56
ეუთოში მეგობართა ჯგუფის ერთობლივი განცხადება საქართველოში კონფლიქტებთან დაკავშირებით
შეერთებულმა შტატებმა, კანადამ, შვედეთმა, რუმინეთმა, ლიტვამ, ლატვიამ მოუწოდეს რუსეთს შეასრულოს ნაკისრი ვალდებულებები.
09 დეკ.'16 16:35
ევროპის საინვესტიციო ბანკი საქართველოს ჯამში 450 მლნ ევროს სესხს გამოუყოფს
სამი ხელშეკრულებით გათვალისწინებული თანხები გზების მშენებლობას, ინფრასტრუქტურის რეაბილიტაციას და აგრომრეწველობას მოხმარდება.
09 დეკ.'16 15:52
პარლამენტი სახელმწიფო საკონსტიტუციო კომისიის შექმნას გეგმავს
პარლამენტის თავმჯდომარის განცხადებით, მისი ხელმძღვანელობით დაგეგმილი კომისია საკონსტიტუციო ცვლილებებს 2017 წლის 30 აპრილამდე შეიმუშავებს.
09 დეკ.'16 14:09
თედო ჯაფარიძე საგარეო ურთიერთობათა საკითხებში პრემიერ-მინისტრის მრჩეველი გახდა
ჯაფარიძე, რომელიც წინა მოწვევის პარლამენტში საგარეო ურთიერთობათა კომიტეტს ხელმძღვანელობდა, ახალ პოსტზე 7 დეკემბერს დაინიშნა.
09 დეკ.'16 13:09
წინასწარი მონაცემებით, 2016 წლის პირველ ცხრა თვეში პირდაპირმა უცხოურმა ინვესტიციებმა 1.29 მილიარდი აშშ დოლარი შეადგინა
მესამე კვარტალში პირდაპირმა უცხოურმა ინვესტიციებმა 463 მილიონი აშშ დოლარი შეადგინა, რაც წინა წლის შესაბამის პერიოდთან შედარებით 4%–ით ნაკლებია.
08 დეკ.'16 16:34
თბილისი მიესალმა შეჩერების მექანიზმზე საქართველოს ვიზალიბერალიზაციასთან დაკავშირებულ გადაწყვეტილებას
„საქართველო უკვე ძალიან ახლოსაა საბოლოო მიზანთან და მოკლე დროში საქართველოს მოქალაქეებს შესაძლებლობა ექნებათ ისარგებლონ უვიზო მიმოსვლით“.
08 დეკ.'16 15:45
მიხეილ ჯანელიძე ეუთოს მინისტერიალში მიიღებს მონაწილეობას
ეუთოს 57 წევრი ქვეყნის საგარეო საქმეთა მინისტრი 8-9 დეკემბერს 23-ე შეხვედრაზე ჰამბურგში შეიკრიბა.
08 დეკ.'16 14:52
ევროპარლამენტის LIBE-ს კომიტეტმა ე.წ. შეჩერების შეთანხმებულ მექანიზმს მხარი დაუჭირა
ამ საკითხზე გადაწყვეტილების მიღება გზას უხსნის საქართველოსა და უკრაინისთვის უვიზო რეჟიმის მინიჭების საკითხის გადაწყვეტას.
07 დეკ.'16 17:41
საქართველოს საგარეო საქმეთა მინისტრი მიესალმება გაეროს უშიშროების საბჭოში საქართველოს საკითხის წამოწევას
გაეროში საქართველოს წარმომადგენლობამ მადლობა გადაუხადა უკრაინას საქართველოზე დისკუსიის ინიცირებისთვის.
07 დეკ.'16 12:35
პრეზიდენტი მარგველაშვილი პარიზს სტუმრობს
ის პარტნიორობა ღია მმართველობის მეოთხე გლობალური სამიტის მუშაობაში მიიღებს მონაწილეობას.

სივილ ჯორჯიას შესახებ
Civil.Ge © 2001-2016, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
50